贾晓晨（JJ）生日宣布再怀孕！樊少皇：辛苦你了

贾晓晨（JJ）与老公樊少皇育有一女“小饭兜”，而昨日38岁生日嘅JJ，顺道公布怀有第二胎喜讯，佢喺社交网上载两张独照，身穿晚装嘅佢挺住巨肚，目测似乎已怀孕近六个月。而老公樊少皇亦有转发喜讯，并留言：“生日快乐，辛苦你了。”

记者联络上贾晓晨，佢透露本来准备入剧组拍摄内地古装剧，却发现怀孕，故未能继续进行拍摄：“依家拍唔成啦，不过几开心，个女有伴啦。”佢续指老公樊少皇特意推掉工作，留在家中照顾佢及大女，更日日亲自下厨，认真系廿四孝老公！

佢续指怀孕后肠胃一直不适，故佗B以来身材亦未走样。而问到BB性别，佢就表示：“生咗先话畀大家知啦，最紧要健健康康。”